Monday, 15 April 2013
مع الوقت هتستتفه وهتستصغر الاسباب والخناقات اللى بعدتكوا عن بعض .. مش هتفتكر غير اللحظات والذكريات الحلوة .. مش هتحس غير بالوحدة من غيرهم فى كل حاجة هتبصلها حواليك .. هتلعن ابو كرامتك اللى خليتك تسبهم يمشوا ..
مع الوقت هتتمنى تفقد الذاكرة عشان ده الحل الوحيد انك تنسى .. هتمنى حياتك تخلص عشان ترتاح من التفكير فيهم عشان مش قادر تعيش وهما اشباح بتتغذى على الذكريات وعلى سعادتك ما انت مش عارف تفرح من غيرهم.. هتحزن انهم فى عقلك بس لكن مش فى حياتك .. هتكره نفسك انك لسه بتفكر فيهم بعد كل الوقت ده ومش عارف اذا كانوا اصلا لسه فاكرين اسمك ولا لأ ..
مع الوقت هتعرف انك حبيتهم بجد .. مع الوقت هتدرك انك مش هتنسى مهما الوقت عدى..
